ПСЖ ҳужумчиси Килиан Мбаппе янги шартнома бўйича барча таклифларни рад этди ва ёзда жамоасини ўзгартириши кутилмоқда. Шунга қарамай, парижликлар истеъдодли ҳужумчини ўз сафида олиб қолишга ишонмоқда.

Бу ҳақда ПСЖ президенти Нассер Ал-Хелаифий маълум қилди.

- Килиан зўр ўйинчи. У нима истаётганини яхши билади. Биз ҳам шундай. Мбаппе биз билан қолади, - деди Нассер Ал-Хелаифий.

Килиан Мбаппе жорий мавсумда 14 та учрашувда майдонга тушиб, рақиблар дарвозасини етти маротаба ишғол қилди ва жамоадошларига еттита голли пас оширди. Унинг шартномаси келаси йил 30 июнда якунланади.