Мбаппе “Реал” ичида душманини қидиряпти

“Реал”нинг бугунги кундаги энг зўр тўпурари Килиан Мбаппе клуб ичида унинг обрўсига зарар етказишга уринган одамлар бор, деб ҳисобламоқда.

Бу вазият француз футболчисини қаттиқ ранжитган ва шу сабабли у “Овьедо”га қарши ўйиндан кейин фикр билдиришга қарор қилган.

Бу ҳақда The Touchline нашри Marca манбасига таяниб хабар берди.

Қизиғи шундаки, пайшанба куни “Реал” Испания чемпионатида ўз майдонида “Овьедо”га қарши ўйнаганида Килиан Мбаппе мухлислар томонидан ҳуштакбозликка дуч келган.

Альваро Арбелоа жамоаси 2:0 ҳисобида ғалаба қозонди. Мбаппе иккинчи бўлим давомида захирадан майдонга тушди ва ассист қайд этди.

Учрашувдан кейин Килиан Мбаппе ва Альваро Арбелоа оммавий ахборот воситалари орқали бир бирига зид баёнотлар бермоқда ва ўзларининг позициялари тўғри эканини исботлашга уринмоқда.