Мбаппе "Реал"ни тарк этиши кутиляпти

Франция миллий терма жамоаси ва «Реал» клуби ҳужумчиси Килиан Мбаппе 2027 йилда жамоасини алмаштириши мумкин. Бу ҳақда The Touchline ўз манбасига таяниб хабар бермоқда.

Манбага кўра, Мбаппе «Реал» таркибини тарк этиши эҳтимоли жуда юқори, агар у ўзи истаган таркиб ва лойиҳага эга бўлмаса.

«Килиан Мбаппе 2027 йилда „Реал“дан кетиши мумкин, агар у хоҳлаган жамоага эга бўлмаса. Франциялик супер юлдузнинг мадридликлар таркибидаги ҳозирги ҳолатидан мамнун эмаслиги ҳақида ишонч тобора ортиб бормоқда», — дея журналист Даниэль Риоло сўзларидан иқтибос келтиради манба.

Мбаппе 2024 йил ёзида «Пари Сен-Жермен»ни тарк этганидан сўнг «Реал» сафига қўшилган эди. Франция терма жамоаси етакчиси мадридликлар билан 2029 йил 30 июнига қадар мўлжалланган шартнома имзолаган.

Transfermarkt портали маълумотларига кўра, Мбаппенинг трансфер қиймати 200 миллион еврони ташкил этади. Жорий мавсумда у пойтахт клуби сафида саккиз ўйин ўтказиб, саккизта гол урди ва икки марта голли узатма берди.

Умуман олганда, «Реал» таркибида Мбаппе 111 та учрашувда майдонга тушган, 94 та гол муаллифи бўлган ва 14 та голли пас йўллаган.