Мбаппе “Реал” нимадан ҳайратга тушди?

Ёзда “Пари Сен-Жермен”даги фаолиятини якунлаб, эркин агент мақомида “Реал”га кўчиб ўтган Килиан Мбаппе Мадрид суперклубида ўзини ҳайратга солган жараёнлар ҳақида гапириб берди.

- Мен “Реал” академияси  “Кастилья”дан ҳайратга тушдим. Бу ердан жуда зўр ўйинчилар етишиб чиқаётганини билмас эканман, - деди франциялик тўпурар.

Мбаппенинг ўзи “Монако” клуби тарбияланувчиси ҳисобланади. Бу жамоадан ташқари ўз юртида ПСЖ шарафини ҳам ҳимоя қилган.

Килиан Мадрид суперклубига кўчиб ўтганидан бери барча турнирларда 17 та учрашувда иштирок этиб, тўққизта гол ва иккита ассист муаллифи бўлди.

25 ёшли футболчининг “Қироллик клуби” билан амалдаги шартномаси 2029 йилнинг 30 июнигача тузилган. Мбаппе бу битимга кўра, клубда энг катта маош оладиган ўйинчилардан бири ҳисобланади.