Мбаппе "Реал" учун ҳимоячи танлаб берди

Ҳужумчи Килиан Мбаппе Мадриднинг "Реал" клуби раҳбариятига мурожаат қилиб, президент Флорентино Пересга ўз ватандоши, Англиянинг "Ливерпуль" клуби ҳимоячиси Иброҳим Конатени сотиб олиш масаласини кўриб чиқишни шахсан тавсия қилди. Бу ҳақда Каталониянинг E-Noticies нашри хабар бермоқда.

Франциялик марказий ҳимоячи Ибраима Конате "РБ Лейпциг"дан Англия клубига ўтганидан бери барча мусобақаларда 148 та расмий ўйинда майдонга тушди. Бу даврда Конате "Ливерпуль" таркибида АПЛ, Англия кубоги ва иккита Англия Лига кубогини қўлга киритди.

Иброҳим Конатенинг "Ливерпуль" билан амалдаги шартномаси 2026 йилнинг ёзигача мўлжалланган. Нуфузли "Трансфермаркт" портали маълумотларига кўра, футболчининг бозор нархи 55 млн еврога баҳоланмоқда.