Мбаппе “Реал”га фақат бир соврин учун келганини айтди

Килиан Мбаппе ёш бўлишига қарамай, деярли барча нуфузли совринларни қўлга киритиб бўлган. Унинг ҳисобида ҳозирнинг ўзида жаҳон чемпионатининг олтин ва кумуш медаллари, Миллатлар лигасининг бош соврини бор.

“Реал”га келганидан бери ютуқлари қаторига УЕФА Суперкубоги ва Қиталараро кубокни ҳам қўшиб қўйди.

26 ёшли футболчи “Реал”га аслида орзусидаги бошқа соврин учун келганини тан олди.

-  Мен ютишни орзу қилаётган яна қанақа нуфузли соврин қолди? Албатта, Европа Чемпионлар лигаси. Айнан мана шу совринни қўлга киритиш учун дунёнинг энг зўр клуби бўлган “Реал”га келганман, - деди Килиан Мбаппе.

Мбаппе шу пайтга қадар ПСЖ сафида Европа Чемпионлар лигаси бош соврини учун курашиб, мақсадига ета олмаган эди.