Мбаппе “Реал”га ўтишдан бош тортди
Килиан Мбаппе келаси ёзда “Реал”га ўтиши ҳал бўлган масала экани ҳақида хабарлар кўп тарқатиляпти.
Бироқ ПСЖда яна бир Мбаппе – Килианнинг укаси Итан ҳам бор. Жорий мавсум ПСЖда дебют ўйинини ўтказган 17 ёшли футболчи бу гал акасининг ортидан Мадридга кетишга кўнмади.
Килиан “Монако”дан ПСЖга трансфер қилинганида укаси Итанни ПСЖ академиясига қабул қилишни талаб қилган эди. Мбаппеларнинг тўнғичи “Реал” билан музокараларда ҳам ҳудди шундай талабни ўртага ташлаган ва “Қироллик клуби” бунга кўнган. Лекин бу гал Итан Парижда қолишга қарор қилгани айтилмоқда.
ПСЖ раҳбарияти шартномаси ёзда тугайдиган Итан билан уни узайтириш учун музокара ўтказаётган эди. Лекин Килиан жамоада қолмаслигини маълум қилганидан кейин Итан билан келишув ишлари тўхтатилган.
Фикрлар