Мбаппе Роналду ва Месси ҳақида ўткир гапларни айтди

ПСЖ ҳужумчиси Килиан Мбаппе Европа футболини тарк этган икки буюк тўпурар – Лионель Месси ва Криштиану Роналду ҳақида гапирди.

- Ҳамма нарсани борича қабул қилиш керак. Лионель Месси ва Криштиану Роналду каби юксак даражани узоқ муддат ушлаб турадиган ўйинчилар 50 йилда бир келса керак. Биз ажойиб даврга гувоҳ бўлдик. Мухлислар улардан мамнун бўлса керак.

Мен Роналдуга қарши ўйнаш бахтига муяссар бўлдим. Кейин Лео билан бирга ўйнадим. Улар ҳақиқатан ўзгача йигитлар.

Мен охирги икки йилда Мессидан жуда кўп нарса ўргандим. Бу икки футбол тарихида ўчмас из қолдирган юлдузлардир, - деди Килиан Мбаппе.