Мбаппе учинчи ўрин учун ўйнагандан таътилга кетишни маъқул топди

Франция терма жамоаси ҳужумчиси Килиан Мбаппе жамоаси жаҳон чемпионати-2026 да фақат учинчи ўрин учун баҳсга чиқишига қаттиқ ранжиганини маълум қилди.

— Ҳамманинг кайфияти сингари, мен ҳам жуда хафаман. Мақсадимиз финалга чиқиш, юртимизга яна орзу қилиш имконини бериш ва тарихга кириш эди. 

Энди эса бу ҳолатни қабул қилишга, бошимизни кўтариб олға қарашга тўғри келади. Мен ҳам, бутун жамоа ҳам қай даражада ранжиганимизни сўз билан ифода этиш қийин. Лекин юқори даражада ўйнайдиган ҳар қандай футболчи каби, гарчи бу бироз совуқ эшитилса-да, ўзимизни қўлга олишимиз, қисқа таътилга чиқиб, яна йўлни давом эттиришимиз керак. Чунки футбол ҳеч кимни кутмайди, хатолардан хулоса чиқаришимиз, барчасини қайтадан бошлашимиз ва шу тарзда бу омадсизликни орқада қолдиришимиз зарур, — деди Мбаппе.

Эслатиб ўтамиз, жаҳон чемпионатининг учинчи ўрин учун баҳсида Франция терма жамоаси Англияга қарши майдонга тушади. Учрашув 18 июлдан 19 июлга ўтар кечаси бўлиб ўтади.