Mbappe unga bosim bo‘layotganini aytdi

“Pari Sen-Jermen” va Frantsiya terma jamoasi hujumchisi Kilian Mbappe unga bo‘layotgan ruhiy bosimlar haqida gapirdi.

- Men ilgari bosimlarga qanday munosabatda bo‘lishimni ko‘rsatganman. Ular menga yomon ta’chir qilmaydi. Hatto men yaxshi o‘ynashim uchun bosim bo‘lish kerak, deb hisoblayman.

Turli darajadagi bosimlar mahoratimni yuqori darajada ushlab turishga va zo‘r o‘yin ko‘rsatishga turtki beradi, - dedi Kilian Mbappe.

Ayni paytda ko‘pchilik 25 yoshli forvard faoliyatini qaysi jamoada davom ettirishiga qiziqyapti. PSJ etakchisini olib qolishga urinyapti. “Real” va “Liverpul”kabi superklublar Mbappeni o‘z safiga qo‘shib olmoqchi.

Kilian Mbappening o‘zi esa, kelajagi haqidagi savollarga mavhum javoblarni beryapti va hali bir qarorga kelmaganini aytmoqda.