Мбаппе «Вильярреал»га қарши ўйинга қадар жароҳатдан тўлиқ тикланади

Мадриднинг «Реал» клуби ҳужумчиси Килиан Мбаппе Испания чемпионатининг навбатдаги турида «Вильярреал»га қарши ўйинга қадар тўлиқ тикланиб улгуради.

Нуфузли Marca нашри маълумотига кўра, 27 ёшли француз футболчиси «Вильярреал»га қарши учрашувни асосий таркибда бошлашга тайёр.

Эслатиб ўтамиз, Мбаппе Миллатлар лигаси гуруҳ босқичининг 1-турида Франция ва Туркия терма жамоалари ўртасидаги учрашувда тиззасидан жароҳат олган эди. Шундан сўнг у Франция миллий жамоасининг қолган барча ўйинларини ўтказиб юборди.

Маълумот учун, Мбаппе жорий мавсумда «Реал» сафида Испания чемпионатида 7 та учрашув ўтказиб, 7 та гол урди ва 2 та голли узатмани амалга оширди.