Мбаппега кўз теккан

Франция терма жамоасининг собиқ юлдузи Эммануэль Пети ҳозирги авлод орасида энг машҳури Килиан Мбаппенинг “Реал”даги омадсизлигини ўзига хос тарзда тушунтириб берди.

- Килианга кўз теккан, деб ҳисоблайман. Мен бунақа нарсаларга ишонаман. Бошқалар бунга ишонмаслиги мумкин.

Ўз гапимга жавоб бера олишимни билганим учун ҳам шундай деяпман. Мен ишонган жуда кўп нарсалар бор. Ғарб одамлари бунақа нарсаларга ишонмайди. Чунки бу уларнинг маданияти ёт. Мен ундай эмасман, - деди Эммануэль Пети.

Маълумки, Килиан Мбаппе ёзда ПСЖдан эркин агент мақомида “Реал”га кўчиб ўтган эди. Мадридга келганидан бери ўзидан кутилган ўйинни намойиш қила олмаяпти.

Бор эътиборини “Реал”да ўз ўрнини топишга қаратган 25 ёшли ҳужумчи Франция терма жамоаси йиғинларига бормаяпти. Гарчи бош мураббий Дидье Дешам буни келишилган хатти-ҳаракатлар эканини айтаётган бўлса-да, Мбаппе катта босим ва танқидга дучор бўляпти.