Мбаппега янги даъвогар чиқди. Мақсад – жиддий!

“Ливерпуль” бош мураббийи Юрген Клопп клуб раҳбарияти билан ўтказилган учрашувда имкон қадар тезроқ ПСЖ ҳужумчиси Килиан Мбаппени олиб келишни талаб қилди.

Defensa Central нашрининг хабар беришича, германиялик мураббий мутасаддилардан Мбаппени қишки трансферлар вақтида Ливерпулга кўчириш имкониятини кўриб чиқишни сўраган.

Мутахассисларнинг таъкидлашича, Клопп жамоа иштирок этаётган турнирларда муваффақият қозониш учун таркибни кучайтириш керак, деб ҳисобламоқда.

23 ёшли Килиан Мбаппе профессионал футболчилик фаолиятини 2015 йили “Монако” сафида бошлаган. 2018 йилдан бери ПСЖ шарафини ҳимоя қилмоқда. Парижликлар сафида 237 та учрашувда майдонга тушиб, 190 та гол ва 93 та ассист муаллифи бўлди.