Мбаппега янги идеал жамоа топиб беришди

Европалик футбол эксперти Энди Брасселл “Челси”га Хаби Алонсо бошчилигида амалга оширилаётган янгли лойиҳага “Реал” ҳужумчиси Килиан Мбаппени сотиб олишни тавсия қилди.

- Менимча, тобора аниқ бўлиб бормоқда: Мбаппе ва “Реал” муносабатлари ҳамма кутганидек ривожланмади.

“Челси”га ҳақиқий марказий ҳужумчи етишмаяпти. Ҳа, айримлар Килиан Мбаппе чап қанотда ўйнашни яхши кўришини айтишади. Аммо чап қанотми ёки марказий ҳужумчими – ростини айтганда, у “Челси” учун ажойиб футболчи бўларди.

Мбаппе Англи Премьер-лигасида фантастик даражада ўйнай оларди, - деди Энди Брасселл TEAMtalk нашрига берган интервьюсида.

Килиан Мбаппе 2024 йилда ПСЖ билан ҳамкорлиги тугагач, эркин агент сифатида Мадрид суперклубига кўчиб ўтган. Унинг шартномаси 2029 йилнинг 30 июнигача амал қилади.

Жорий мавсумда ҳужумчи Мадрид клуби сафида барча мусобақаларда 43 та ўйинда қатнашиб, 41 та гол ва еттита голли узатмани амалга оширди.