Мбаппени “Реал”даги хавфдан огоҳлантиришди
“Арсенал” ва “Барселона”нинг собиқ ҳужумчиси Тьерри Анри “Реал” тўпурари Килиан Мбаппега нималарга эътибор қаратишни маслаҳат берди.
-Футболчига янги клубда мослашиб олиши учун вақт кераклигини таъкилашади. Афсуски, “Реал”дек клуб футболкасини кияр экансан, сенга мослашиш учун вақт беришмайди, - деди Тьерри Анри ҳамюртининг Мадрид суперклубига ўтганига муносабат билдириб.
Мбаппе илк бор Франциядан ташқарида тўп тепмоқда. Аввал у ўз юртида “Монако” ва “Париж Сен-Жермен” клублари шарафини ҳимоя қилган.
Парижликларнинг ҳамкорликни узайтириш ҳақидаги таклифларини инобатга олмаган Мбаппе ёзда эркин агент мақомида “Реал”га кўчиб ўтди.
Мадридликлар билан 2029 йилнинг ярмигача давом этадиган битимга имзо чеккан футболчи “Реал” сафидаги дастлабки 11 та учрашувда еттита гол ва битта ассист қайд этди.
Фикрлар