Мбаппени “Реал”дан олиб кетамиз...

“Ливерпуль” ҳужум чизиғини Килиан Мбаппе билан кучайтиришни режалаштирмоқда. Аслида “қизиллар” франциялик футболчи ПСЖда ўйнаб юрган кезлари уни олишга бир неча маротаба уриниб кўрган эди.

Defensacentral нашрининг маълум қилишича, Килиан Мбаппе Мадрид суперклубига кўчиб ўтганидан бери хотиржамлигини йўқотган. 25 ёшли футболчи ўзига билдирилган ишончни оқлай олмаётганини ҳис қиляпти.

Бу вазиятдан “Ливерпуль” фойдаланиб қолишни мўлжаллаяпти. Англия гранди “Қироллик клуби”га Килиан Мбаппе учун 150 миллион евро таклиф қилмоқчи.

Трансфер экспертли бу савдони амалга ошириш жуда қийин эканини таъкидламоқда. Чунки Мбаппенинг ўзи ҳозирча Мадриддан кетмоқчи эмас ва вазият ўнгланиб кетишига умид қиляпти.