Мбаппенинг бу гапидан кейин ҳужумчи учун кураш янада қизийди

Килиан Мбаппенинг ПСЖ билан шартномаси мавсум охирида тугайди. Европанинг бир неча гранд клублари январь ойида 25 ёшли футболчи билан музокара бошлашга тайёргарлик кўрмоқда.

ПСЖ раҳбарияти эса, етакчи ҳужумчига янги шартнома таклиф қилганига анча бўлган. Лекин Мбаппе уни имзолашга шошилмаяпти.

Килиан келажаги ҳақидаги саволларга аниқ жавоб берди.

- Мен ҳали келажагим бўйича ҳеч қандай қарорга қабул қилганим йўқ. Мен ҳеч қайси жамоани танламадим ҳам.

Клубда ҳеч ким менинг атрофимдаги вазият бўйича гапиргани йўқ. Ҳозирча, ПСЖ президенти Нассер Ад-Хелаифий билан келишувимиз бор ва унга амал қиляман. Бор эътиборни жамоага қаратинглар, менга эмас, - деди Килиан Мбаппе.