Мексика жаҳон чемпионатларида янгича рекорд ўрнатди

 2026 йилги жаҳон чемпионати 1/16 финал босқичидан ўрин олган Мексика – Эквадор учрашувида мексикаликлар машҳур "Ацтека" стадионида  ҳали ҳеч бир терма жамоага насиб қилмаган рекорд ўрнатди. 

Ўйиннинг 22-дақиқасида Мексика ҳисобни очишга муваффақ бўлди. Дарвозага аниқ зарбани Хулиан Киньонес йўллади. Шу тариқа, Мексика жаҳон чемпионатларида кетма-кет бешинчи ўйинда биринчи бўлиб ҳисобни очиган ягона терма жамоага айланди.  Бу кўрсаткич мексикаликлар учун янги рекорд сифатида қайд этилди.

Эслатиб ўтамиз, мексикаликлар гуруҳ босқичини А гуруҳида биринчи ўринда якунлаган, Эквадор эса Е квартетида учинчи поғонадан жой олган эди.

2026 йилги жаҳон чемпионати 11 июндан 19 июлга қадар АҚШ, Канада ва Мексика ҳудудларида ўтказилмоқда. Амалдаги жаҳон чемпиони — Аргентина терма жамоаси. У 2022 йилда Қатарда бўлиб ўтган финалда Францияга қарши драматик беллашувда 3:3 ҳисобидаги дурангдан сўнг пенальтилар сериясида 4:2 ҳисобида ғалаба қозонган эди.