Мен “Рома”га қайтмайман!

Франция чемпионати вакили “Ницца”га ижарага берилган Жастин Клюйверт “Рома”га қайтмайдиган бўлди. Бу ҳақда La Gazzetta dello Sport нашри хабар бермоқда.

22 ёшли футболчи “Ницца” таркибида 20 та учрашувда қатнашиб, бешта тўп киритди ва тўртта голли узатма берди.

Томонлар ўртасидаги келишувда францияликлар нидерландиялик футболчини 35 миллион еврога сотиб олиш ҳуқуқини қўлга киритган ва улар мавсум якунланганидан кейин Клюйвертга тўлақонли шартнома таклиф этишга қарор қилган.

Жастин Клюйверт “Аякс” тарбияланувчиси ҳисобланади. Легионер сифатида “Лейпциг” сафида ҳам тўп тепган. “Рома” бу футболчини 2018 йилнинг ёзида 17, 25 миллион еврога харид қилган эди.