Мен Шомуродовдан қўрқяпман!

Ўзбекистон миллий терма жамоаси 2022 йилги жаҳон чемпионати ва 2023 йилги Осиё кубоги қўшма саралаш турнирининг Саудия Арабистонида ташкил этилган босқичини муваффақиятли бошлади.

Вадим Абрамов бошчилигида футболчиларимиз Сингапур миллий терма жамоасини 5:0 ҳисобида мағлубиятга учратиб, гуруҳда иккинчи ўринни мустаҳкам ўрнашиб олди. Мамлакатимиз бош жамоаси навбатдаги учрашувни 11 июнь куни Яман футболчиларига қарши ўтказади.

IMG_9415_1_1

Ижтимоий тармоқларда Яман жамоаси мухлислари бўлажак учрашувга доир муносабатларини билдирмоқда.

Эътиборингизга хорижлик футбол ишқибозларининг Яман – Ўзбекистон ўйинига оид фикр-мулоҳазаларини ҳавола этамиз.

Sarah Aziz:

Биз охирги учрашувда саудияликлардан 0:3 ҳисобидаги мағлубиятни қабул қилиб олдик. Ўзбеклар эса Сингапурни 5:0 ҳисобида “сочиб ташлади”. Мен ўзбеклар бизнинг терма жамоамизга қанча гол уришини ўйлаб, даҳшатга тушяпман. Чунки биз мусобақа жадвалида Сингапурдан ҳам қуйида жойлашганмиз.

AtifAbKarim1:

Жуда оғир даврларни бошдан ўтказаётганимизни инобатга олиб, футболчиларимиз мухлисларни хурсанд қилишга уриниб кўришига ишонгим келади.

1571147041_mkc-u99xrjzwj6eukckkgky0asy8jcw-

Wazir Askari:

Бўлажак учрашувда энг муҳим вазифа Италия чемпионатида порлаётган Элдор Шомуродовни “ёпиш” ҳисобланади. Унга ўйин бермасак, уларнинг жамоаси у қадар хавф сола олмайди.

Lami Haile:

Энг муҳими, ўтган ўйиндаги гапи 5:0 ҳисобида ютқазмаслик. Ўзбекистон ҳозир жуда кучли жамоага айланган.

Lamido Chiroma:

Биз ушбу саралаш турнирида жаҳон чемпионати иштирокчиси – саудияликлар билан дуранг ҳам ўйнагандик. Ўйлашимча, биз бу гал Ўзбекистон билан ўйинда ҳам мўъжиза кўрсата оламиз.

Haroon Alkadasi:

Мен Элдор Шомуродовдан қўрқяпман. Шунингдек, Жалолиддин Машариповдан ҳам. Ўзбекистон миллий терма жамоасининг бу икки юлдузи Сингапур дарвозасига учта гол урди. Бизда эса, ундан ҳам кўп гол урса керак!

7UI8p4XL1B4Dp6raxvNjVfCFiv1ug-CD

Ahmed Al-junid:

Уларнинг терма жамоаси Италия А Серияси ва бошқа кучли чемпионатларда ўйнайдиган футболчилар бор. Бизда эса футболга эътибор йўқ. Учрашув натижаси ҳозирдан маълум.

Mohammed Taqiuddin:

Бизни яна бир қақшатқич мағлубият кутяпти. Ўзбеклар ҳозир анча кучайган!

Ўзбекистон ва Яман терма жамоалар ўртасида 2019 йилнинг 10 октябрида Тошкентда бўлиб ўтган биринчи учрашувда ҳамюртларимиз рақиб дарвозасига жавобсиз бешта гол киритган эди. Ўша беллашувдаги голлар Санжар Қодирқулов, Элдор Шомуродов, Жамшид Искандеров, Ислом Тўхтахўжаев ва Игорь Сергеев ҳисобига ёзилган.

rioe3g6pirjdflgziaw9

Навбатдаги учрашув 11 июнь куни Тошкент вақти билан 23:00 да бошланади.

Ҳурматли мухлислар,  бўлажак ўйиндан қандай натижа кутяпсиз ва кимлар гол уради, деб ўйлайсиз?

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Ашуров Бахтийор
10/06/2021 07:45
Голлари сони мухум эмас,мухуми уч очкони узлартирсак булди.Лекин сунги турга куп хам,ургу бериш керак эмас.Энг асосийси босимни футболчиларимиз узидан сокит килиш керак.Худо хохласа галаба биз томонда!
Baxil Alihuja
11/06/2021 13:40
Бу уйин енгил уйин, мухими охирги саудия билан буладиган уйинга етарли куч олиб колиш. яман, сингапур жамоаларини 3-составимиз хам юта олади.
Baxtiyor Temirov
10/06/2021 12:15
Bu yil oldingidan xam kuchlimiz faqat bollaga omad bulsa yetadi golga kelsak qancha vazyat bulsa shuncha gol bulaversin omad Uzbekistonga bollar xamyurtlariz sizlar bilan...
abbos raximov
10/06/2021 11:03
Bollarga omat ulrga xamma ishonadi biz bu safar j ch chiqamiz

Минбар

Барча блоглар