Менежер: "Алекс Перрейра трилогияни хоҳламаяпти"

Магомед Анкалаевнинг менежери Ризван Магомедов Алекс Перрейра ва россиялик ўртасидаги учинчи жанг ҳақида гапирди.

"Алекс Перейра Магомед билан трилогияни хоҳламаяпти, аммо биз буни талаб қиламиз. Чунки Анкалаев бутун дивизионни тозалаб бўлди, у ТОП-15 дагиларнинг 10 тасини енгди. Бироқ аввал россиялик Иржи Прохазка ёки шунга ўхшаш ММА устаси билан яна бир жанг ўтказиши керак. Бу титул тўқнашуви олдидан тайёргарлик вазифасини ўтайди", - деди Ризван.

Эслатиб ўтамиз, Анкалаев октябрь ойидаги реваншда Алекс Перрейрадан техник нокаутга учраб, чемпионлик унвонини йўқотганди.