Meni "Real"dan ketkazishga shoshilmanglar!

Frantsiyalik yarim himoyachi Eduardu Kamavinga Madridning «Real» jamoasida qolish va asosiy tarkib uchun kurashish niyatida ekani ma'lum qilindi.

 Bu haqida ijtimoiy tarmoq X'da Instant Foot sahifasi xabar berdi.

Manbalarga ko‘ra, futbolchining jamoadan ketishi faqat ikki shart bajarilgan taqdirdagina ko‘rib chiqilishi mumkin: «Real» rahbariyatini qoniqtiradigan moliyaviy taklif tushishi va Kamavinganing o‘zi ham klubda qolish borasidagi hozirgi fikrini o‘zgartirishi kerak bo‘ladi.

2025/2026 yilgi mavsumda Eduardu Kamavinga barcha musobaqalar doirasida 43 ta o‘yinda maydonga tushib, 2 ta gol urdi va 1 ta golli uzatma amalga oshirdi. Uning amaldagi shartnomasi 2029 yil 30 iyuniga qadar mo‘ljallangan.

 Transfermarkt portali ma'lumotlariga ko‘ra, futbolchining bozor qiymati 50 million evroni tashkil etadi.