"Мерседес" W17'нинг рендерини кўрсатди (Фото)

Германиянинг "Мерседес" жамоаси Формула-1-2026 мавсумида иштирок этиш учун яратилган янги W17 болидининг рендерларини намойиш этди.

"2026 йилда Формула-1 катта ўзгаришларга учрайди ва биз бунга тайёрмиз. Янги қоидалар инновацияларни ва унумдорликнинг барча соҳаларида мутлақ концентрацияни талаб қилади. Бизнинг янги автомобиль устидаги ишларимиз, шунингдек, PETRONAS билан биргаликда узоқ муддатли двигатель ва илғор экологик тоза ёқилғи турларини ишлаб чиқишимиз ушбу ёндашувни акс эттиради.

W17 нинг биринчи расмларини нашр этиш бу жараёндаги кейинги қадам, холос. У Бриксворт ва Бреклидаги жамоаларимизнинг жамоавий ва тинимсиз саъй-ҳаракатларини акс эттиради. Келгуси ойларда ҳам астойдил ишлашда давом этамиз", - дея жамоа раҳбари Тото Волфнинг сўзларини келтиради "Мерседес" матбуот хизмати.