Месси Америкада туриб “Реал”нинг устидан кулди

Испания чемпионатининг 11-турида “Барселона” Мадридда йирик ҳисобда ғалаба қозониб, “Реал”дан уч очко олиб қайтди.

Бу ўйин ҳамон муҳокама қилинмоқда. “Барселона” тарихидаги энг зўр футболчилардан бири Лионель Месси АҚШда туриб, бу ўйинга муносабат билдирди.

Месси ижтимоий тармоқлардаги саҳифасига “Нақадар ажойиб ғалаба”, деб ёзди.

“Барселона”га қарши учрашувда қайд этилган натижа амалдаги чемпион “Реал” клубида айрим муаммолар борлигини кўрсатиб берди.