Месси АҚШда қанча маош оляпти?

Ўтган йилнинг ёзида АҚШнинг “Интер Майами” жамоасига кўчиб ўтган Лионель Мессининг океанортида топаётган маоши миқдори ошкор бўлди.

Хориж матбуотининг ёзишича, аргентиналик юлдуз ойига 1,6 миллион евро ишлаб топмоқда.

Месси MLS чемпионати вакиллари орасида энг кўп маош оладиган футболчи ҳисобланади. “Интер Майами” асосий юлдузига ҳар бир йил учун 19,2 миллион евро маош тўлаяпти.

Леонинг майамиликлар билан амалдаги шартномаси 2025 йилнинг ёзига имзоланган.

Месси АҚШга келганидан буён “Интер Майами” сафида 20 та учрашувда қатнашиб, 17 та гол ва 9 та ассист қайд этди.