Messi “Barsa” muxlislariga kutilmagan xabar yubordi

“Inter Mayami” yulduzi Lionel Messi sobiq jamoasi “Barselona” muxlislariga murojaat qilib, dilidagi gaplarni aytdi.

- “Barselona” muxlislariga nima degan bo‘lardim? Men sizlani juda sog‘indim. Tez fursatda yana uchrashamiz, deb umid qilaman. Sizlar jahondagi eng zo‘r klubning bir bo‘lagi ekanligingizdan faxrlanishingiz kerak, - dedi Lionel Messi.

37 yoshli hujumchi faoliyatining katta qismini “Barselona”da o‘tkazgan va asosiy yutuqlarini ham shu klub safida qo‘lga kiritgan.

Lionel bu jamoada o‘ynagan yillari sakkiz karra “Oltin to‘p” sohibi bo‘lgan va bu ko‘rsatkich bo‘yicha mutlaq rekordchiga aylandi.

Messi Ispaniya chempionati, “Barselona”, “Inter Mayami” va Argentina terma jamoasi tarixidagi eng yaxshi to‘purar hisoblanadi.