Месси билан чиқиша олмаётган дарвозабон "Барселона"дан кетмоқчи

Лондоннинг "Челси" клуби "Барселона"  дарвозабони Марк-Андре тер Штегенни ўз сафига қўшиб олмоқчи. Бу ҳақда Express нашри хабар тарқатмоқда.

Юқоридаги манбага кўра, “аристократлар” германиялик посбоннинг каталонияликлар сардори Лионель Месси билан муносабатлари ёмонлашганидан унумли фойдаланиб, уни таркибга жалб этишмоқчи.

Бундан аввалроқ, тер Штегенга “Ювентус”дан ҳам қизиқишлар мавжудлиги ҳақида хабарлар тарқалган эди.

27 ёшли Марк-Андре тер Штеген жорий мавсум “Барселона” сафида 34 та ўйинда майдонга тушди ва ва ўз дарвозасидан 34 та гол ўтказиб юборди.