Месси Европага қайтади

Жаҳон футболида саккиз марта “Олтин тўп”ни қўлган киритган ягона футболчи – Лионель Месси “Интер Майами” билан ўзаро ҳамкорликни узайтириш борасида келишиб олди.

Аргентиналик юлдузнинг амалдаги шартномаси 2026 йилнинг охирига қадар, яъни бир йилга узайтирилди.

Marca нашрининг ёзишича, 37 ёшли ҳужумчи Европага қайтиш имкониятини сақлаб қолган. Шартномага 2025 йилнинг охирида MLS ўйинлари тўхтатилган пайтда Европага йўл олиши мумкинлиги алоҳида банд қилиб киритилади.

Лионель Месси фаолияти давомида клублар миқёсида “Барселона”, ПСЖ ва “Интер Майами” сафида жами 914 та учрашувда иштирок этиб, рақиблар дарвозасини 744 маротаба ишғол қилган ва жамоадошларига 357 та голли пас узатган.