Месси финалдан кейин нега Аргентинага қайтмади?

Аргентина терма жамоаси футболчилари Лионель Месси ва Родриго Де Пауль жаҳон чемпионати  финалидан кейин жамоа билан бирга Аргентинага учиб кетмади. Бу ҳақда OneFootball хабар берди.

Манба маълумотига кўра, бунинг сабаби сифатида ҳар икки футболчининг “Интер Майами” клубида ўйнаши ва АҚШда мунтазам яшаши экани айтилди.  Шу боис улар таътилни клублари жойлашган мамлакатда бошлайди.

Шунингдек, Аргентина терма жамоасининг фақат бир қисми чартер рейси билан Буэнос-Айресга қайтиши таъкидланган. Манбага кўра, пойтахтда жаҳон чемпионатининг кумуш медаль соҳибларини оммавий кутиб олиш ёки тантанали тақдирлаш режалаштирилмаган.

Эслатиб ўтамиз, финалда Аргентина қўшимча вақтда Испанияга 0:1 ҳисобида мағлуб бўлди. Бу Испания тарихидаги иккинчи жаҳон чемпионлиги бўлди.