Месси гол урмаслиги учун боримни бераман

Кабо‑Верде терма жамоаси дарвозабони Возинья 2026 йилги жаҳон чемпионати 1/16 финалида Аргентинага қарши бўладиган учрашув олдидан ўз фикрларини билдирди. 

Тажрибали дарвозабон жанубий америкаликлар сардори Лионель Мессининг маҳоратини эътироф этар экан, шу билан бирга форвардни тўхтатиш учун бор кучини ишга солишини айтди.

- Месси — барча даврларнинг энг буюк футболчиси. Унга қарши майдонга тушиш керак бўлганда, ҳар қандай жамоа ҳаяжонга тушади. 

Мессининг ўзи билан бир майдонни бўлишиш — орзу. Бир куни болаларимга фахр билан унга қарши ўйнаганимни айтаман. 

Биламан, уни тўхтатиш деярли имконсиз, лекин у менга гол урмаслиги учун қўлимдан келган барча ишни қиламан, боримни бераман, — дея Возиньянинг сўзларини келтиради Goal Verse нашри.

Аргентина — Кабо‑Верде учрашуви 29 июнь куни бўлиб ўтади. Аргентина терма жамоаси J гуруҳида биринчи ўринни эгаллади. Кабо‑Верде esa H гуруҳида иккинчи поғонадан плей‑офф босқичига йўл олди ва шу тариқа Уругвай терма жамоасини ортда қолдирди.