Месси ҳамманинг эътиборини тортди

МСЛ раҳбари Дон Гарбер ўтган ёзда Лионель Мессининг АҚШ клубига кўчиб ўтгани лига мавқеига қандай таъсир қилганини айтиб ўтди.

- Лионель Мессининг МСЛга кўчиб ўтишга розилик берганининг қай даражада муҳим эканини баҳолаб бўлмайди. Энди у лигамизда ўйнаяпти. Бу футбол оламидаги энг шов-шувли воқеалардан бўлди.

Ҳозир бутун дунё назари бизнинг лигамизга қаратилган. Чунки бу ерда дунёнинг энг зўр футболчиси тўп термоқда, – деди Дон Гарбер.

Маълумки, Лионель Месси ўтган ёз ПСЖ билан шартномаси тугаганидан кейин Европани тарк этиб, “Интер Майами” жамоасига кўчиб ўтди.

Аргентиналик юлдуз америкаликлар билан 2025 йилнинг ярмигача давом этадиган шартномага имзо чеккан.