Messi "Inter Mayami" tarkibiga qachon qaytadi?
"Kopa Amerika-2024" turnirining final bahsida oyog‘ining to‘piq qismini shikastlab olgan Lionel Messining tez orada "Inter Mayami" safiga qaytishi kutilmoqda.
Messi jarohati tufayli 11 o‘yinni o‘tkazib yubordi. MLS jamoasi Lionelsiz 8 ta g‘alabaga erishgan bo‘lsa, shu bilan birga Ligalar kubogini ham tark etdi. Hozirda uning jismoniy holati shifokorlarning nazorati ostida. Messining to‘pig‘idagi ligamentlar to‘liq tiklanishi uchun vaqt kerak.
"AS" nashri sakkiz karra "Oltin to‘p" sohibi individual mashg‘ulotlarda qatnashayotgani haqida xabar bermoqda. Nashr bergan ma’lumotlarga ko‘ra Lionel avgust oyining oxirida tarkibga kelib qo‘shilishi mumkin.
Fikrlar