Месси жаҳон чемпионатида қатнаша олмайдими?

Таниқли инсайдер Фабрицио Романо “Интер Майами” ҳужумчиси Лионель Мессининг саломатлиги ҳақида маълумот берди.

Аргентиналик футболчи “Филадельфия Юнион”га қарши ўйинда ноқулайлик ҳис қилгани сабабли 73-дақиқада алмаштирилган эди.

- Лионель Мессида ноқулайлик бор, аммо текширувлар жиддий жароҳат йўқлигини тасдиқлади. Месси Аргентина терма жамоаси учун тайёр бўлади, - деб ёзди Романо ўзининг X ижтимоий тармоғидаги саҳифасида.

Аввалроқ, Лионель Месси Аргентина миллий терма жамоасининг “ЖЧ-2026” учун кенгайтирилган рўйхатига киритилгани хабар қилинганди.

Футбол бўйича навбатдаги жаҳон чемпионати  АҚШ, Канада ва Мексикада 11 июндан 19 июлгача бўлиб ўтади. Аргентина терма жамоаси бир гуруҳда Жазоир, Австрия ва Иордания билан ўйнайди. Аргентина амалдаги жаҳон чемпиони ҳисобланади.