Месси келади! Леони оладиган клуб чиқди

Аргентина терма жамоаси юлдузи Лионель Мессининг “Интер Майами” клуби билан ҳамкорлик шартномаси 2025 йилнинг 31 декабригача давом этади.

Томонлар ҳали келишувни янгилаш борасида бир қарорга келгани йўқ. Бу саккиз карра “Олтин тўп” соҳибини қўлга киритмоқчи бўлаётган жамоаларга Мессини трансфер қилишга умид бағишлаяпти.

Худди “Интер Майами” сингари АҚШ мезбонлик қилаётган клублар ўртасидаги жаҳон чемпионатида иштирок этаётган “Ал-Ҳилол” президенти Фаҳд бин Навфал вазиятдан унумли фойдаланди.

Саудия Арабистони клуби раҳбари Леонинг отаси Хорхе Месси ва унинг агентлари билан учрашиб, футболчининг “Ал-Ҳилол”га кўчиб ўтиш масаласини муҳокама қилган. Маълумотларга қараганда, шайхлар Мессини шу ёзнинг ичида ўз жамоасига қўшиб олишга тайёр. Музокаралар ижобий руҳда ўтгани айтилмоқда.