Месси Лапортани “Барса” тахтидан ағдаради

“Барселона”нинг собиқ футболчиси Лионель Месси 2026 йили клуб президентлигига бўладиган сайловларда Жоан Лапортага оппозиция бўлган номзодларни қўллаб-қувватлайдиган бўлди.

ABC нашрининг маълум қилишича, аргентиналик юлдуз клубни бошқариб келаётганЖоан Лапортани ўзининг Каталониядан кетишида бош айбдор, деб билади. Месси клуб 2021 йили ундан келишилган шартномани қайтариб олганини ўзига нисбатан хиёнат эканини таъкидлаган.

Месси кейинги йили бўладиган сайловда фақатгина ғолиб чиқиш учун лойиқ бўлган ва шундай имкониятга эга номзоднигина қўллаб-қувватлашини билдирди.

Сайловга номзод тайёр билан шуғулланаётган мавжуд гуруҳлар Жоан Лапортага қарши тура оладиган ягона вариант топиш йўлида бирлашмоқчи. Уларнинг асосий мақсади Лионель Мессини ўз томонларига оғдириб, шу орқали мухлисларнинг оммавий қўллаб-қувватлашига эришишдир.

Эслатиб ўтамиз, Лионель Месси “Барселона”нинг энг зўр тарбияланувчиси ҳисобланади. Жамоада узоқ йиллар ўйнаганига қарамай, аргентиналик юлдуз 2021 йилда қадрдон клубини тарк этди. Гарчи Лео маошини сезиларли даражада пасайтиришган кўнган бўлса-да, Жоан Лапорта харажатларни камайтириш мақсадида Мессига берилган битимни қайтиб олган.

Бунинг оқибатида “Пари Сен-Жермен”га ўтиб кетишга мажбур бўлган Мессининг Каталония клуби раҳбарияти билан муносабатлари жиддий тарзда бузилган.