Месси: Менинг ҳам армоним бор!

“Барселона” етакчиси Лионель Месси ушалмаган орзулари армонга айлангани ҳақида гапирди.

- Мен Роналдо ва Роберто Карлоснинг футболкасини сўраб олмаганимдан армон қиламан, ахир мен уларга қарши ўйнаганман. Мен ўз коллекциямда уларнинг либоси бўлишини хоҳлайман. Ёшим улғайгани сари футболкалар коллекциясига аҳамият бера бошладим. Чунки бу хотиралар билан боғлиқ. Аввал бу нарса мени безовта қилмасди. Акам Матиас кўп футболкаларни сақлаб қўйган. Мен ўз коллекциямга фаолиятини давом эттираётган айрим ўйинчиларнинг либосини қўшишим керак, - деди Месси.

Аргентиналик футболчининг “Барселона” билан шартномаси тез орада якунига етади. У 2023 йилгача юқори савияда ўйнамоқчи. Кейинчалик фаолиятини АҚШда давом эттириши кутилмоқда.

Месси катта эҳтимол билан Каталонияда қолади. Унга ПСЖ ҳам даъвогарлик қилмоқда.