Месси Миср билан ўйиндаги камбэкдан кейин нималар деди?

Аргентина терма жамоаси ҳужумчиси Лионель Месси жаҳон чемпионати 1/8 финал босқичидаги ўйиндан сўнг ўз таассуротлари билан ўртоқлашди. Ушбу баҳсда Аргентина Миср терма жамоаси устидан иродали ғалабага эришди. Амалдаги жаҳон чемпионлари 79-дақиқагача 0:2 ҳисобида ортда кетаётганига қарамай, охир-оқибат 3:2 ҳисобида зафар қучди. Учрашув АҚШнинг Атланта шаҳрида жойлашган «Мерседес-Бенц Стэдиум» аренасида бўлиб ўтди. Ўйинга Франциянинг Беде шаҳридан бўлган ҳакам Франсуа Летексье бошчилик қилди.

- Биз яхши ўйнадик. Пеналтидан ташқари ҳам бир нечта аъло имкониятларга эга бўлдик. Дарвозабон ҳақиқатан ҳам бир неча ажойиб сейвлар амалга оширди. Яхшики, ўйин охирида менда имконият пайдо бўлди. Бундай жамоага, айниқса, сўнгги воқеалардан кейин ёрдам бериш имкониятига эга бўлиш — ўзига хос ҳиссиёт, — дея Мессининг сўзларини келтиради TyC Sports.

Чорак финалда Аргентина терма жамоаси Швейцарияга қарши майдонга тушади.

Футбол бўйича Жаҳон чемпионати‑2026 11 июндан 19 июлга қадар АҚШ, Канада ва Мексика ҳудудида ўтказилмоқда. Амалдаги жаҳон чемпиони — Аргентина терма жамоаси. 2022 йилги жаҳон чемпионати финалида аргентиналиклар Францияга қарши майдонга тушган эди. Ўйиннинг асосий вақти 3:3 ҳисобида якунланди, пеналти сериясида эса Аргентина 4:2 ҳисобида ғалаба қозонди.