Месси ўз ворислари номини айтди

Саккиз карра “Олтин тўп” соҳиби Лионель Месси яқин келажакда ушбу нуфузли совринга қайси футболчилар даъвогарлик қилишини айтиб ўтди.

- Яқин йиллар ичида “Олтин тўп” учун Эрлинг Холанд, Килиан Мбаппе ва Винисиус Жуниор сингари футболчилар ўртасида чиройли рақобат вужудга келади.

Шунингдек, айни пайтда “Барселона”да ўйнаётган Лавин Ямал ҳали анча ёш, лекин келажакда клуб учун муҳим роль ўйнайди ва албатта, ушбу нуфузли совринга даъвогарлик қилади.

Табиийки, “Олтин тўп” учун бошқа футболчилар ҳам курашади, қолаверса, янги ўйинчилар ҳам пайдо бўлади, - деди Лионель Месси.