Месси ПСЖда уни қандай камситишганини ошкор қилди

“Интер Майами” ва Аргентина терма жамоаси ҳужумчиси ПСЖдаги фаолияти давомида ўзи дуч келган яна бир кўнгилсиз воқеа ҳақида гапириб берди.

- Ўтмишни ўзгартириб бўлмайди. Ҳақиқат шуки, ҳаммаси мен кутгандек бшлиб чиқмади. Лекин мен ҳаётда ҳеч нарса шунчаки бўлмаслигини доим таъкидлаб келганман.

ПСЖда ҳар доим ҳам ишларим кўнгилдагидек бўлавермаган. Лекин мен ПСЖ ўйинчиси сифатида жаҳон чемпиони бўлгандим.

Французлар билан жаҳон чемпионати финалида рақиб бўлдик. Аргентина ютди, биз французлар яна жаҳон чемпиони бўлолмаганида бош айбдор бўлиб қолдик. Натижада мен клубда ҳеч ким табрикламаган ягона жаҳон чемпионига айландим, - деди Лионель Месси.