Месси “Сити” юлдузини кутяпти

Лионель Месси ўйнаётган “Интер Майами” клуби таркибни “Манчестер Сити” сардори Бернарду Силва билан кучайтиришни мўлжаллаяпти.

Клуб етакчиси ҳисобланган Лионель Месси бу трансферни аллақачон маъқуллаган, бу эса “Интер Майами” лойиҳасини португалиялик ярим ҳимоячи учун янада жозибадор қилади.

Бу ҳақда Marca нашри хабар бермоқда.

31 ёшли Силванинг шартномаси июнь ойи охирида тугайди ва бу унга клубдаги тўққиз мавсум ва 400 дан ортиқ ўйиндан кейин Манчестерни эркин агент сифатида тарк этиш имконини беради.

Манба маълумотига кўра, “Ювентус” ҳам Силва номзодини устувор мақсад сифатида кўриб чиқмоқда.

“Интер Майами”нинг асосий устунлиги молиявий жиҳат бўлиши мумкин. “Манчестер Сити”да Бернарду йилига тахминан 19,5 миллион фунт (22,6 миллион евро) маош олади.
Турин клубига ўтиш учун у маошини камайтиришга рози бўлишига тўғри келади, АҚШда эса унга янада фойдали шартлар таклиф қилинмоқда.