Месси терма жамоадан кетиши ҳақидаги пости бир соатда 2,4 миллион лайк тўплади

Футбол бўйича Аргентина терма жамоасидаги фаолиятини якунлаётганини эълон қилган саккиз карра "Олтин тўп" соҳиби Лионель Мессининг ижтимоий тармоқдаги пости бир соат ичида 2,4 миллион лайк тўплади. 

Маълумот учун, Месси терма жамоадан кетиш ҳақидаги мактубини аслида 21 июл куниёқ ёзган, аммо уни оммага фақат ҳозир эълон қилди.

39 ёшли Лионел Месси 2023 йилдан буён Шимолий Америкадаги Маҳаллий футбол лигаси (MLS)да иштирок этаётган "Интер Майами" клуби шарафини ҳимоя қилмоқда. Ундан олдин Европада французларнинг ПСЖ жамоасида, шунингдек, узоқ йиллар давомида испанларнинг "Барселона" клубида ўйнаган. Каталония жамоаси таркибида тўрт марта Чемпионлар лигасида ғолиб чиққан, уч мартадан УЕФА Суперкубоги ва клублар ўртасидаги жаҳон чемпионатида зафар қучган.

Месси 2022 йилда жаҳон чемпиони бўлган. Шунингдек, икки бор жаҳон чемпионатида кумуш медал соҳибига айланган (2014, 2026), 2008 йилда Олимпия ўйинлари чемпиони бўлган. У 2021 ва 2024 йилларда Қитъалар кубогини икки марта қўлга киритган. "Олтин тўп" мукофотини энг кўп қўлга киритган футболчи сифатида ҳам рекорд унга тегишли.

Аргентина терма жамоаси сафида Месси 207 ўйин ўтказиб, 125 та гол урган. У ушбу кўрсаткичлар бўйича мамлакат терма жамоаси тарихида мутлақ рекордчи ҳисобланади. Афсонавий ҳужумчи олти марта жаҳон чемпионатида майдонга тушган.