Месси яна бир жаҳон рекордини янгилади
Унга энди етиб бўлмайди
«Кампеонес» Кубоги учун бўлган беллашувда АҚШнинг «Интер Майами» жамоаси Мексиканинг «Крус Асулем» клубига қарши майдонга тушди. Флорида жамоаси рақибини 2:0 ҳисобида мағлуб этиб, мусобақа ғолибига айланди.
Учрашувдаги голлардан бирига 39 ёшли аргентиналик ҳужумчи Лионель Месси муаллифлик қилди. У финал учрашувларида энг кўп гол урган футболчи сифатидаги рекордини янада мустаҳкамлади. Бу унинг турли турнирлар финалида урган 36-голи бўлди.
«Олтин тўп»нинг саккиз карра соҳиби бўлган Месси «Интер Майами» сафида 2023 йил июль ойидан буён тўп суриб келмоқда. У билан амалдаги меҳнат шартномаси 2028 йил декабри охиригача мўлжалланган.
Нуфузли Transfermarkt портали мутахассисларининг баҳолашича, ҳозирги пайтда Лионель Мессининг трансфер қиймати 15 миллион евро атрофида.
Изоҳлар (0)