Мессининг гапи “Реал” мухлисларини “жумбуш”га келтирди

Бир даврлар “Барселона”нинг етакчиси сифатида “Реал” ишқибозларининг энг ёмон кўрган футболчиси бўлган Лионель Месси бир гап билан фанатлар меҳрини қозонди.

Гап шундаки, аргентиналик юлдуз “Реал”ни айни пайтда энг кучли жамоа эканини тан олди.

- Энг зўр жамоа – бу “Реал”, чунки бу жамоа Европа Чемпионлар лигасининг амалдаги ғолиби. Улар ўтган мавсумда ҳам Чемпионлар лигасида ғолиб чиққан “Манчестер Сити” каби энг зўр жамоа бўлганди.

Ўйин борасида эса, шахсан менга Пеп Гвардиол бошқарувидаги “Манчестер Сити” ёқади. Гвардиола қайси жамоани шуғуллантиришидан қатъи назар, унга ўзининг футбол услубини сингдира олади.

Шунинг учун ҳам футбол даражаси бўйича энг яхши жамоа “Манчестер Сити”, натижаларга кўра, энг зўри “Реал”, - деди Лионель Месси.