Messining goli hech narsani hal qilmadi

MLS doirasida «Kolambus Kryu» o‘z maydonida «Inter Mayami»ni qabul qildi. Uchrashuv mezbonlarning 2:1 hisobidagi g‘alabasi bilan yakunlandi.

«Kolambus Kryu» safida Xosef Martines penalti­ni aniq amalga oshirdi, Jamal Tiare ham gol urdi. «Inter Mayami»ning yagona goliga argentinalik hujumchi Lionel Messi mualliflik qildi.

Mezbonlar g‘alaba golini 90+9-daqiqada urdi.

Shu tariqa, «Inter Mayami» MLSda ketma-ket beshta uchrashuvda g‘alaba qozona olmadi — to‘rt durang va bir mag‘lubiyat. «Kolambus Kryu» esa ketma-ket ikkinchi g‘alabasini qayd etdi.

MLSning navbatdagi turida «Inter Mayami» «Di-Si Yunayted» bilan, «Kolambus Kryu» esa «Orlando Siti» bilan o‘ynaydi. Har ikki uchrashuv 11 oktyabr kuni bo‘lib o‘tadi.