Мессининг сардорлик ваколати бошқа юлдузга топширилди

«Атлетико» жамоаси ҳимоячиси Кристиан Ромеро Аргентина миллий терма жамоасининг янги сардори этиб тайинланади.

TyC Sports хабарига кўра, миллий жамоа бош мураббийи Лионел Скалони бу қарорни жаҳон чемпионати бошланишидан анча олдин қабул қилган.

Янги сардор танлаш зарурати Лионел Месси ва Николас Отаменди терма жамоа сафидаги фаолиятини якунлаганидан сўнг юзага келди. Ҳар икки футболчи ҳам аввалроқ Аргентина терма жамоаси сардорлик боғичини тақиб майдонга тушган эди.

Кристиан Ромеро август ойида «Тоттенхэм» клубидан Мадриднинг «Атлетико» жамоасига ўтди. Ундан олдин ҳимоячи Италия чемпионатида «Аталанта» ва «Женоа» таркибида тўп сурган.

Ромеро — 2022 йилги жаҳон чемпиони. У Аргентина терма жамоаси сафида сардор сифатида уч марта майдонга тушган.