"Металлург" Ғофуров трансферини эълон қилди

Янги мавсумга тайёргарликни давом эттираётган "Металлург" таркибни шакллантириш, кучайтириш ишларини ҳам жадал суратларда олиб бормоқда.

Бунгача Суҳроб Султонов ва Владимир Бубанья билан шартнома имзолаган бекободликлар бу сафар ҳимоя чизиғига яна бир тажрибали футболчи Мирзоҳид Ғофуровни таклиф этишди ва шартнома имзоланди.

Маълумот учун, Ғофуров 1988 йил 22 август куни туғилган. Фаолияти давомида футболчи "Машъал", "Бунёдкор", "Навбаҳор" ва "Нефтчи" каби клубларда тўп тепган.

Эслатиб ўтамиз, Мирзоҳид Ғофуров ўтган мавсум "Навбаҳор" клуби сафида ҳаракат қилди. Суперлиганинг 15 та ўйинда майдонга тушган ҳимоячи 1 та ассист муаллифига айланган.

Мирзоҳид Ғофуров
Туғилган санаси: 02.08.1988
Туғилган жойи: Наманган 
Амплуаси: Ҳимоячи
Ўйнаган жамоалари: "Машъал", "Бунёдкор", "Навбаҳор", "Нефтчи".