"Milan" afsonasining o‘g‘li "Inter"ga o‘tishi mumkin

"Montsa" yarim himoyachisi Daniel Maldini "Inter"ning nishoniga aylandi. "Milan" tarbiyalanuvchisi va "rossoneri" afsonasi - Paolo Maldinining o‘g‘li joriy mavsumda ishonchli o‘yin ko‘rsatmoqda va bu allaqachon Italiya terma jamoasi ustozi Luchano Spalettining ham e’tiborini tortgan.

Jurnalist Paskuale Guarroning xabar berishicha, 22 yoshli hujumkor yarim himoyachiga chindan ham "Inter" qiziqish bildirmoqda, ammo hozircha aniq ma’lumotlar yo‘q va hali muzokaralar rejalashtirilmagan.

Daniel Maldini o‘tgan yoz erkin agent sifatida "Milan"dan "Montsa"ga ko‘chib o‘tgan edi. U joriy mavsum A Seriyaning ettita uchrashuvida maydonga tushdi va bitta gol va bitta golli uzatmaga mualliflik qildi.