«Милан» ҳужумчиси икки ой майдонга туша олмайди

Мексика терма жамоаси ҳужумчиси Сантьяго Хименес Жаҳон чемпионати – 2026 доирасида Англияга қарши ўйин пайтида жиддий жароҳат олди. «Милан» форварди ўйинни ўз оёғи билан тарк эта олмади, у майдондан носилкада олиб чиқилди.

Fox Sports хабарига кўра, 25 ёшли футболчи камида саккиз ҳафтага сафдан чиқди. Тиббий кўрик натижасида унга боғламларнинг иккинчи даражали чўзилиши ташхиси қўйилган.

Ўтган мавсумда Хименес «россонери» сафида 18 та ўйинда майдонга тушиб, бир гол урди ва учта голли узатма муаллифига айланди. Мексикалик ҳужумчининг «Милан» билан амалдаги шартномаси 2029 йилгача мўлжалланган.

Эслатиб ўтамиз, Италия А Сериясининг янги мавсуми 22 август куни старт олади.