"Милан" жазоирлик футболчи билан шартномани узайтиради

"Милан" раҳбарияти ярим ҳимоячи Исмаэль Беннасер билан янги шартнома борасида келишувга эришмоқчи.

Жазоирлик футболчи билан амалдаги келишув бир ярим йилдан кейин тугайди ва унга бошқа клублар қизиқиш билдираётганини унутмаслик керак. Аввалроқ ОАВ "россонерилар" Беннасер билан янги шартнома шартлари бўйича келиша олмагани ҳақида хабар берганди, бироқ инсайдер Фабрицио Романо музокаралар давом этаётганини айтди.

Томонлар аллақачон биринчи учрашувни ўтказишган, музокараларнинг навбатдаги босқичи яқин кунларда бўлиб ўтиши кутилмоқда. Исмаэль Беннасер жорий мавсум "Милан" сафида 21 та ўйинда майдонга тушиб, 1 та гол урди ва шунча голга ассистентлик қилди.