"Милан" Жируга янги шартнома таклиф қилмоқчи

"Милан" ҳужумчи Оливье Жируга янги шартнома таклиф қилади. Бу ҳақда инсайдер Николо Скира хабар бермоқда.

Футболчининг "россонерилар" билан амалдаги битими мавсум охиригача амал қилади. “Қизил-қоралар” футболчига шартномани 2025 йилнинг июнигача узайтиришни таклиф қилади. Французда бошқа вариантлар ҳам бор. У МЛС ва Саудия Арабистонидан яхшигина маошли таклифлар олди.

Жиру “Милан” сафида 2021 йилдан буён тўп суради. Жорий мавсумда 37 ёшли ҳужумчи барча турнирларда 12 та ўйин ўтказиб, 6 та гол урди ва 3 та голли узатмани амалга оширди.